ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ପରିସରରେ ଥିବା କୃଷି ଶିକ୍ଷା ସଦନଠାରେ୨ ଦିନିଆ ଓୟୁଏଟି କୃଷକ ମେଳା – ୨୦୨୬ ଆୟୋଜିତ ହୋଇଛି। ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଉପମୁଖ୍ୟମନ୍ତ୍ରୀ ତଥା ଓଡିଶା ସରକାରଙ୍କ କୃଷି, କୃଷକ ସଶକ୍ତିକରଣ ଓ ଶକ୍ତି ବିଭାଗର ମନ୍ତ୍ରୀ ଏବଂ ଓୟୁଏଟିର ଉପକୁଳାଧିପତି ଶ୍ରୀ କନକ ବର୍ଦ୍ଧନ ସିଂ ଦେଓ ଯୋଗ ଦେଇ ଚାଷୀ ଭାଇଭଉଣୀମାନଙ୍କୁ ବିଗତ ବର୍ଷ ମାନଙ୍କରେ ରାଜ୍ୟବାସୀଙ୍କୁ ନିରନ୍ତର ଭାବେ ଯୋଗାଇଦେଉଥିବା ଖାଦ୍ୟ ଶସ୍ୟ ପାଇଁ ଶୁଭେଚ୍ଛା ଜଣାଇଛନ୍ତି ।ବର୍ତମାନର ପରିସ୍ଥିତିରେ ସରକାର ଚାଷୀଙ୍କୁ ସବୁ କ୍ଷେତ୍ରରେ ପ୍ରୋତ୍ସାହନ ଯୋଗାଇଦେବା ପାଇଁ ସଂକଳ୍ପ ବଦ୍ଧ । ଏଣୁ ପାରମ୍ପରିକ କୃଷି ବ୍ୟବସ୍ଥା ସହ ଅନ୍ୟାନ୍ୟ କୃଷିକୁ ହାତକୁ ନେବାକୁ ମନ୍ତ୍ରୀ ଉପଦେଶ ଦେଇଛନ୍ତି। ଓୟୁଏଟି କୃଷକ ମେଳା ଦ୍ୱାରା ଚାଷୀ ଭାଇଭଉଣୀମାନେ କୃଷି ବୈଜ୍ଞାନିକ ତଥା ଗବେଷକଙ୍କ ସହ ଆଲୋଚନା କରି ଅନେକ ତଥ୍ୟ ପାଇପାରିବେ । ଓଡ଼ିଶାର କୃଷି କ୍ଷେତ୍ରକୁ ଏହି ମେଳା ଆହୁରି ସଶକ୍ତ ଓ ଆଧୁନିକ କରିବା ପାଇଁ ଏକ ପ୍ରୟାସ ବୋଲି କହିଛନ୍ତି । ସେହିପରି ଗ୍ରାମୀଣ ଓଡ଼ିଶାର ବିକାଶ ପାଇଁ ପ୍ରଥମେ ଚାଷୀଙ୍କ ବିକାଶ ଉପରେ ଗୁରୁତ୍ୱ ଦେବାକୁ ହେବ ବୋଲି ମତ୍ସ୍ୟ ଓ ପଶୁ ସମ୍ପଦ ବିଭାଗ ତଥା ସୂକ୍ଷ୍ମ, ଅଣୁ, କ୍ଷୁଦ୍ର ବିଭାଗ ମନ୍ତ୍ରୀ ଶ୍ରୀ ଗୋକୁଳାନନ୍ଦ ମଲିକ ଯୋଗ ଦେଇଥିଲେ ।
କୃଷିର ବିକାଶ କୃଷକଙ୍କ ଉନ୍ନତି ବଳରେ ସମ୍ଭବ । ଆମ ରାଜ୍ୟରେ ସମ୍ବଳ, ସମ୍ଭାର ଓ ସମ୍ଭାବନାର ଗନ୍ତାଘର ଥିବାରୁ ଏହାର ଯଥୋଚିତ ବ୍ୟବହାର ଉପରେ ଗୁରୁତ୍ୱ ଦେଇଛନ୍ତି । କୃଷି ଉଦ୍ୟୋଗଭିତ୍ତିକ, ସମନ୍ବିତ ଓ ବିକଶିତ କରିବା ପାଇଁ ପ୍ରଫେସର ରାଉଳ ପରାମର୍ଶ ଦେଇଛନ୍ତି । ଏହି ଅବସରରେ 30 ଟି ଜ଼ିଲ୍ଲାର ୩୩ଟି କୃଷି, ମତ୍ସ୍ୟ ,ପଶୁ ସମ୍ପଦ କ୍ଷେତ୍ରରେ ବିଶେଷ ଯୋଗଦାନ ଦେଇଥିବା ତଥା କୃଷି ଉଦ୍ୟୋଗ ପ୍ରତିଷ୍ଠା କରିଥିବା ମହିଳା କୃଷକଙ୍କୁ ସମ୍ମାନିତ କରାଯାଇଛି । ସେହିପରି ବିଭିନ୍ନ ସର୍ବଭାରତୀୟ ପ୍ରକଳ୍ପ ମାଧ୍ୟମରେ ଓୟୁଏଟି ସହିତ ଜଡିତ ଥିବା 12 ଜଣ AICRP ମାନଙ୍କୁ ନାନାଦି କ୍ଷେତ୍ରରେ ଉତ୍ତମ ପ୍ରଦର୍ଶନ ପୂର୍ବକ କୃତିତ୍ୱ ପୁରସ୍କାର ପ୍ରଦାନ କରାଯାଇଛି ।
ବିଶ୍ୱବିଦ୍ୟାଳୟର ବୈଜ୍ଞାନିକମାନଙ୍କ ଦ୍ୱାରା ପ୍ରସ୍ତୁତ ଚାଷୀଙ୍କ ହିତରେ କାର୍ଯ୍ୟକାରୀ ହେବାକୁ ଥିବା କେତେକ ପ୍ରକାଶନ, ତ୍ରୈମାସିକ କୃଷି ପତ୍ରିକା ଚାଷୀର ସଂସାର, ମାସିକ ସମ୍ବାଦ ପତ୍ରିକା ‘ଓୟୁଏଟି ଟାଇମ୍ସ ‘କୁ ଅତିଥିମାନେ ଉନ୍ମୋଚନ କରିଛନ୍ତି। ଏହା ସହ ଓୟୁଏଟି ପରିସରରେ ଥିବା କୃଷକ ଭବନରେ କୃଷି ମେଳାର ଆୟୋଜନ କରାଯାଇଛି । ଏଥିରେ 15 ରୁ ଅଧିକ କୃଷି ସମ୍ପର୍କିତ ଷ୍ଟଲ ବିଭିନ୍ନ ବିଭାଗ, କୃଷି ମହାବିଦ୍ୟାଳୟ ତରଫରୁ ପ୍ରଦର୍ଶିତ ହେଉଛି । କାର୍ଯ୍ୟକ୍ରମକୁ ବିଶ୍ୱବିଦ୍ୟାଳୟର ସମ୍ପ୍ରସାରଣ ଓ ଗବେଷଣା ଅଧ୍ୟକ୍ଷ ପ୍ରଫେସର ପ୍ରଶନଜିତ ମିଶ୍ର ସ୍ୱାଗତ ଭାଷଣ ଦେଇ ଆରମ୍ଭ କରିଥିବାବେଳେ ଗବେଷଣା ଅଧ୍ୟକ୍ଷ ପ୍ରଫେସର ନିରଞ୍ଜନ ପଣ୍ଡା ଧନ୍ୟବାଦ ଦେଇଥିଲେ ।
