ହଁ ଆଜ୍ଞା ବିଧାୟକଙ୍କୁ ଅଣ୍ଟୁନଥିଲା ଲକ୍ଷେ | ଦରମା ବଢାଇବାକୁ ଦାବି କରୁଥିଲେ | ଆଉ ଏକା ଥରେ ଗରିବ ବିଧାୟକରୁ ହୋଇଯାଇଥିଲେ ଧନୀ ବିଧାୟକ | ମାନେ ସବୁ ରାଜ୍ୟ ତୁଳନାରେ ଓଡ଼ିଶାର ବିଧାୟକନ୍କ ଦରମା ଅଧିକ ଥିଲା | ଭତ୍ତା ୧ ଲକ୍ଷ ଟଙ୍କାରୁ ବୃଦ୍ଧି ପାଇ ୩ ଲକ୍ଷ ୪୫ ହଜାର ଟଙ୍କାକୁ ବୃଦ୍ଧି ପାଇଥିଲା | ଅର୍ଥାତ୍ ଦରମା ପ୍ରାୟ ତିନି ଗୁଣ ବଢ଼ିଥିଲା | ଏହା ସହିତ ପୂର୍ବତନ ବିଧାୟକଙ୍କ ପେନ୍ସନ୍ ରାଶିରେ ମଧ୍ୟ ବୃଦ୍ଧି ଘଟିଥିଲା | ହେଲେ ଏବେ ପୁଣିଥରେ କମିପାରେ ବିଧାୟକଙ୍କ ଦରମା |
କାରଣ ବିଧାୟକମାନଙ୍କ ଦରମା ବଢିବା ପରେ ରାଜନୈତିକ ମହଲରେ ଏହା ବିଷୟ ପାଲଟିଥିଲା | ଆଉ ଏହି ନିଷ୍ପତ୍ତିକୁ ନେଇ ଧୀରେ ଧୀରେ ବିଜେପି ସରକାରଙ୍କ ଉପରେ ଜନସାଧାରଣଙ୍କ ଅସନ୍ତୋଷ ଦେଖାଦେଇଥିଲା | ଆଉ ଏହା ପରେ ବିରୋଧୀ ଦଳ ନେତା ବର୍ଦ୍ଧିତ ଦରମା ନନେବାକୁ ମନ କରିଦେଇଥିଲେ | ଆଉ ଏମିତି କି ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ |ଏହା ପରେ ନବୀନଙ୍କ ନିଷ୍ପତ୍ତିକୁ ସମସ୍ତେ ବାଃ ବାଃ କହିଥିଲେ | ସିମ୍ପାଥି ବି ନବୀନ ବି ସାଉଁଟିଥିଲେ | କେବଳ ଅନେକ ବିଧାୟକ ବର୍ଦ୍ଧିତ ଦରମା ନେବାକୁ ମନା କରିଛନ୍ତି | ଏହା ପରେ ବିଜେପି ନେତାଙ୍କ ଅକାଳ ଗୁଡୁମ ହୋଇଯାଇଛି | ଆଉ ଏବେ ଏହା ଉପରେ ପୁନର୍ବିଚାର କରିବାକୁ ଦାବି ଜୋର ଧରିଛି |
ଗୁରୁବାର ଦିନ ବିଜେପି ବିଧାୟକ ଦଳର ଏକ ଗୁରୁତ୍ୱପୂର୍ଣ୍ଣ ବୈଠକ ପରେ ଶାସକ ଦଳର ବିଧାୟକମାନେ ମୁଖ୍ୟମନ୍ତ୍ରୀଙ୍କୁ ଭେଟି ଦରମା ବୃଦ୍ଧି ନିଷ୍ପତ୍ତିର ପୁନର୍ବିଚାର ପାଇଁ ଦାବି କରିଛନ୍ତି | ଗତ ଡିସେମ୍ବର ୯ ତାରିଖରେ ଶୀତକାଳୀନ ଅଧିବେଶନ ସମୟରେ ବିଧାନସଭାରେ ସର୍ବସମ୍ମତି କ୍ରମେ ବିଧାୟକଙ୍କ ଦରମା ଓ ଭତ୍ତା ବୃଦ୍ଧି ବିଲ୍ ପାରିତ ହୋଇଥିଲା .| ଜନସାଧାରଣଙ୍କ ଅସନ୍ତୋଷ ପରେ , ବିଜେପି ବିଧାୟକଙ୍କ ଦାବି ପରେ ସରକାର ଦରମା ବୃଦ୍ଧି ନିଷ୍ପତ୍ତି ପ୍ରତ୍ୟାହାର କରୁଛନ୍ତି କି ନାହିଁ, ତାହା ଉପରେ ଏବେ ସମସ୍ତଙ୍କ ନଜର ରହିଛି |
