ଜେଲ ଭିତରେ ଭୋ ଭୋ ହେଇ କାନ୍ଦିଲେ, କୋର୍ଟରେ କାନ୍ଦି କାନ୍ଦି ଗଡ଼ିଲେ। ଦିନେ ମର୍ଡର ପ୍ଲାନ୍ କରିଥିଲେ ଏବେ ହାତ ଗୋଡ଼ ଧରି ମାଗୁଛନ୍ତି କ୍ଷମା। ଏ ଜନ୍ମର କର୍ମର ଫଳ ଏଇ ଜନ୍ମରେ ହିଁ ମିଳେ। ଏକଥା ସତେ ଯେମିତି ସତ ପ୍ରମାଣିତ ହେଇଛି।
ବ୍ରହ୍ମପୁରର ବହୁ ଚର୍ଚ୍ଚିତ ପୀତବାସ ପଣ୍ଡା ହତ୍ୟା ମାମଲାର ଅନ୍ୟତମ ଅଭିଯୁକ୍ତ ଓ ମାଷ୍ଟର ମାଇଣ୍ଡ ବିକ୍ରମ ପଣ୍ଡାଙ୍କ ରାଇଟ ହ୍ୟାଣ୍ଡ ମଦନ ଦଳେଇଙ୍କ ଏବେ ଏମିତି ଅବସ୍ଥା। ବ୍ରହ୍ମପୁର କୋର୍ଟରେ ମଦନଙ୍କୁ ନିଆ ଯାଉଛି ହଜାର କରିବାକୁ। ହେଲେ ଦେଖନ୍ତୁ କେମିତି କାନ୍ଦି କାନ୍ଦି ଗଡ଼ି ଯାଉଛନ୍ତି ମଦନ। ମାଆ ଲୋ ବୋପାଲୋ କହି କାନ୍ଦୁଛନ୍ତି। ଜେଲରେ ଯୋଗ କରିଲା ବେଳେ ପଡ଼ି ଯାଇ ଗୋଡ଼ରେ ଆଘାତ ଲାଗିଛି, ଫଳରେ ଏତେ କଷ୍ଟ ହେଉଛି। ହେଲେ ଏଇ ଭିଡିଓ ସାମ୍ନାକୁ ଆସିବା ପରେ ନାନା ଚର୍ଚ୍ଚା।ଯେଉଁ ଦିନ ପିତବାସଙ୍କୁ ହତ୍ୟା କରାଯାଇଥିଲା ସେଇ ମୁହୂର୍ତ୍ତ ରେ କେତେ କଷ୍ଟ ପାଇଥିଲେ ସେ। ଛାତିରେ ଯେତେବେଳେ ଗୁଳି ପଶିଥିବ କେତେ କଷ୍ଟ ହେଉଥିବ, କେତେ ଛଟପଟ ହେଉଥିବେ। ଏବେ ଗୋଡ଼ ଆଘାତରୁ ଏତେ କଷ୍ଟ ହେଲେ ଯିଏ ପ୍ରାଣ ଛାଡ଼ି ଦେଇଛି ତାଙ୍କୁ କେତେ କଷ୍ଟ ହେଉଥିବ ତାହା ଏବେ ବଡ଼ ଚର୍ଚ୍ଚାର ବିଷୟ ପାଲଟିଛି |
ଅନ୍ୟପଟେ ମାଷ୍ଟର ମାଇଣ୍ଡ ବିକ୍ରମ ପଣ୍ଡା ବି ଅସୁସ୍ଥ ହୋଇପଡିଛନ୍ତି |ପେଟରେ ଗୋଲ ବ୍ଲାଡ଼ର ଷ୍ଟୋନ ସହ ପାଇଲସରେ ଛଟପଟ ହେଉଛନ୍ତି ବିକ୍ରମ ପଣ୍ଡା |ଏବେ ତାଙ୍କୁ MKCG ମେଡିକାଲରେ ଭର୍ତି କରାଯାଇଥିବା ଜଣାପଡିଛି |ଦୁଇଦିନ ପୂର୍ବରୁ ପ୍ରାଥମିକ ଚିକିତ୍ସା ପାଇ ମେଡିକାଲ ନିଆଯାଇଥିଲା | ଆଉ କୋର୍ଟର ଅନୁମତି ପରେ ଆଜି ବିକ୍ରମଙ୍କୁ ସର୍ଜରୀ ବିଭାଗର ୱାର୍ଡରେ ଭର୍ତ୍ତି କରାଯାଇଛି | ବ୍ରହ୍ମପୁର ପୀତବାସ ପଣ୍ଡା ହତ୍ୟା ମାମଲାରେ ଏବେ ଯାଏଁ ୧୬ ଜଣଙ୍କୁ ଗିରଫ କରାଯାଇଛି |
