ଗଞ୍ଜାମ ଜିଲ୍ଲା ଶେରଗଡ଼ ଥାନା ଅନ୍ତର୍ଗତ ବି. ଚିକିଲି ଗ୍ରାମ ନିକଟରେ ୧୪ ଜଣ ଲୋକଙ୍କୁ ନେଇ ଯାଉଥିବା ଡ଼ାଲା ଅଟୋ ଭାରସାମ୍ୟ ହରାଇ ଓଲୋଟି ଯିବା ଫଳରେ ଜଣେ ମହିଳାଙ୍କ ମୃତ୍ୟୁ ଘଟିବା ସହିତ ଡ଼ାଲା ଅଟୋରେ ଅନ୍ୟ ୧୩ ଗୁରୁତର ଆହତ ହୋଇଛନ୍ତି l ମୃତକ ମହିଳା ଜଣଙ୍କ ହେଉଛନ୍ତି ବ୍ରହ୍ମପୁର ସଦର ଥାନା ଅନ୍ତର୍ଗତ ରୋହିଗାଁ ଗ୍ରାମର ସାରସ ବିଷୋୟୀ l ଶେରଗଡ଼ ଥାନା ଅନ୍ତର୍ଗତ ହାଡ଼ିଚିରା ଗ୍ରାମର କନକ ବିଷୋୟୀ ନାମକ ଜଣେ ମହିଳାଙ୍କ ଗତକାଲି ମୃତ୍ୟୁ ଘଟିଥିଲା,ମୃତକଙ୍କ ସଂଖୋଳିବା ପାଇଁ ରୋହିଗାଁରୁ ସାରସ ବିଷୋୟୀଙ୍କ ସମେତ ଅନେକ ସମ୍ପର୍କୀୟ ହାଡ଼ିଚିରା ଆସି ଫେରୁଥିବା ବେଳେ ବି. ଚିକିଲି ଠାରେ ଅଟୋଟି ଭାରସାମ୍ୟ ହରାଇ ଓଲୋଟି ପଡିଥିଲା l
l ବସିଥିବା ସମସ୍ତ ପାସେଞ୍ଜର ଅଟୋ ତଳେ ଚାପି ହୋଇଯାଇଥିଲେ l ନିକଟରେ ଥିବା ଲୋକେ ଘଟଣା ସ୍ଥଳରେ ପହଁଛି ସମସ୍ତଙ୍କୁ ଉଦ୍ଧାର କରିଥିଲେ l ଘଟଣା ସ୍ଥଳରେ ହିଁ ସାରସ ବିଷୋୟୀଙ୍କ ମୃତ୍ୟୁ ହୋଇସାରିଥିଲା l ଶେରଗଡ଼ ଥାନା ଅଧିକାରୀ ବୀରେନ୍ଦ୍ର ଶିଆଳ ଏଏସଆଇ ସମୀର ସୁନା ସମସ୍ତ ଆହତଙ୍କୁ ଶେରଗଡ଼ ଗୋଷ୍ଠୀ ନେଇଥିଲେ l ସମସ୍ତ ଆହତଙ୍କ ଅବସ୍ଥା ସଙ୍କଟାପୁର୍ଣ୍ଣ ଥିବାରୁ ସମସ୍ତଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତରିତ କରାଯାଇଛି l ପୁଲିସ ମୃତକ ମହିଳା ଙ୍କ ଶବ ବ୍ୟବଚ୍ଛେଦ ପାଇଁ ଆସିକା ପଠାଇବା ସହିତ ଓଲୋଟି ପଡ଼ିଥିବା ଡ଼ାଲା ଅଟୋ ଗାଡିକୁ ଜବତ କରି, ଡ୍ରାଇଭରକୁ ଅଟକ ରଖି ତଦନ୍ତ କରୁଛି ବୋଲି ଥାନା ଅଧିକାରୀ ବୀରେନ୍ଦ୍ର ଶିଆଳ ପ୍ରକାଶ କରିଛନ୍ତି l
