୨୮ ବର୍ଷ ପୂରଣ କରି ୨୯ବର୍ଷରେ ପଦାର୍ପଣ କରିବ ବିଜୁ ଜନତା ଦଳ । ଏହାକୁ ପ୍ରତି ନିର୍ବାଚନ ମଣ୍ଡଳୀରେ କରାଯିବ ପାଳନ । ଏଥିପାଇଁ ଦଳୀୟ ପଦାଧିକାରୀଙ୍କୁ ଚିଠି ଲେଖି ସେବା କାର୍ଯ୍ୟ ଜାରି ରଖିବାକୁ ନିର୍ଦ୍ଦେଶ ଦେଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଏ ନେଇ ପ୍ରତି ନିର୍ବାଚନ ମଣ୍ଡଳୀରେ ପାଳନ କରିବ ବିଜେଡି । ପ୍ରତିଷ୍ଠା ଦିବସ ପାଳନ ପୂର୍ବରୁ ପୋଲସରା ବିଜୁ ଜନତା ଦଳ କାର୍ଯ୍ୟଳୟ ରେ ଏକ ବୈଠକ ଅନୁଷ୍ଠିତ ହୋଇଯାଇଛି । ବିଜୁ ଜନତା ଦଳ ପୋଲସରା ବ୍ଲକ ସଭାପତି ସୁରେନ୍ଦ୍ର ନାଥ ପ୍ରଧାନ ଙ୍କ ଆବାହକତ୍ୱ ବୈଠକ ରେ ପୂର୍ବତନ ପୋଲସରା ବିଧାୟକ ଶ୍ରୀକାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଆଗାମୀ ୨୬ ତାରିଖ ରେ ବିଜେଡି ପ୍ରତିଷ୍ଠା ଦିବସ କିଭଳି ପାଳନ ହେବ ବୈଠକ ରେ ଆଲୋଚନା ହୋଇଥିଲା ।
ଏହି ବୈଠକ ରେ ପୋଲସରା ନିର୍ବାଚନ ମଣ୍ଡଳୀ ବୁଗୁଡ଼ା ଓ ପୋଲସରା ବ୍ଲକ ଓ ଏନଏ ସି ର ଦୁଇ ସହ ରୁ ଉର୍ଦ୍ଧ ବିଜୁ ଜନତା ଦଳ ର କର୍ମୀ ଓ ଆଗ ଦାଢ଼ି ର ନେତା ଯୋଗ ଦେଇଥିଲେ l
ଏହି ଅବସରରେ ଜନସେବା ଜାରି ରଖିବାକୁ ଦଳୀୟ କର୍ମୀ ଓ ନେତୃବୃନ୍ଦ ଆହ୍ୱାନ ଦିଆଯିବ । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଆଦର୍ଶରେ ଓଡ଼ିଶାର ସବୁ କ୍ଷେତ୍ରରେ ଓ ସବୁ ବର୍ଗର ଲୋକଙ୍କ ବିକାଶ ପାଇଁ ଜନତାଙ୍କ ଅକୁଣ୍ଠ ସମର୍ଥନ ଓ ଶୁଭେଚ୍ଛା ପାଇ ଆସିଛି । ସେହିପରି କର୍ମକର୍ତ୍ତା ଓ ଜନ ପ୍ରତିନିଧିଙ୍କ ନିଷ୍ଠା ମନୋଭାବ ଯୋଗୁଁ ଲୋକଙ୍କ ନିକଟତର ହୋଇଛି ବିଜେଡି ।
