ବର୍ଷ ଆରମ୍ଭରୁ ଭିଜିପାରେ ଓଡିଶା | ଆଉ ଫିକାପଡିପାରେ ଜିରୋ ନାଇଟ୍ ସିଲେବ୍ରିସେନ୍ | କାରଣ ବିଦାୟୀ ବର୍ଷ ୨୦୨୫ର ଠିକ୍ ଶେଷଦିନରେ ସମୁଦ୍ରରେ ବଡ଼ ହଲଚଲ୍ ସମ୍ଭାବନା ରହିଛି | ଯାହା ନୂଆବର୍ଷର ଗ୍ରାଣ୍ଡ୍ ୱେଲକମ୍ ସେଲିବ୍ରେସନକୁ ଓଦା କରିଦେବ | ଦକ୍ଷିଣ ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବ | ଆଉ ଏହା ପ୍ରବର କିଛି ଜିଲ୍ଲାରେ ଜୋରରେ ବର୍ଷା ହେବାର ସମ୍ଭାବନା ଥିବା ବେଳେ ଆଉ କିଛି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ | ହେଲେ କେତେ ଦିନ ଯାଏଁ ଓଡିଶା ବର୍ଷାରେ ଭିଜିବ ତାହା କହିବା ମୁସ୍କିଲ୍ |
ତେବେ IMD ଆକଳନ ଅନୁସାରେ, ଡିସେମ୍ବର ୩୧ରେ ଘୂର୍ଣ୍ଣିବଳୟ ସୃଷ୍ଟି ହେବ, ଯାହା ପରେ ଲଘୁଚାପର ରୂପ ନେଇପାରେ | କିନ୍ତୁ ଏବେଠୁ ସବୁ କିଛି ଆକଳନ କରିବା ସମ୍ଭବ ହେଉନି | କାରଣ ଘୂର୍ଣ୍ଣିବଳୟଟି ଅଧିକ ଘନୀଭୂତ ହେବାର କମ୍ ସମ୍ଭାବନା ରହିଛି| ଏସବୁ ସତ୍ତ୍ୱେ କିନ୍ତୁ ସମୁଦ୍ରରେ ୭ ଦିନ ଯାଏଁ ଘୂର୍ଣ୍ଣିବଳୟ ସକ୍ରିୟ ରହିବ, ହେଲେ କେତେ ଘନୀଭୂତ ହୋଇ କେଉଁ ରୂପ ନେବ, ତାହା କହିବା ମୁସ୍କିଲ | ସେମିତି ବର୍ତ୍ତମାନ ଯାଏଁ ଘୂର୍ଣ୍ଣିବଳୟ ସୃଷ୍ଟି ହୋଇନଥିବାରୁ ଏହାର ତୀବ୍ରତା ଓ ଗତିପଥ ବାବଦରେ ଏବେଠୁ ଆକଳନ କରିବା ଆହୁରି ମୁସ୍କିଲ | ଏଭଳି ସ୍ଥିତିରେ
ମୁଣ୍ଡରେ ହାତ ଦେଇ ବସିଲାଣି ଚାଷୀ | କାରଣ ଧାନ ଅମଳ ହେଉଛି , ଆଉ ବର୍ଷା ହେଲେ ସବୁ ଧାନ ପାଣିରେ ଭାସିଯିବ |
ଏପଟେ ଅନେକ ଲୋକ ବର୍ଷ ୨୦୨୬ର ୱେଲକମ୍ ପାଇଁ ଢେରସାରା ପ୍ରସ୍ତୁତି କରିଛନ୍ତି | ପୂର୍ବ ପ୍ଲାନ୍ ମୁତାବକ ଲୋକେ ପିକନିକ୍, ଏକ୍ସକର୍ସନରେ ପୂରା ମସଗୁଲ ଅଛନ୍ତି | ବଣଭୋଜି ପାଇଁ ପାର୍ଟଠାରୁ ପିକନିକ୍ ସ୍ପଟ୍ ସବୁଠି ଭିଡ଼ |କିନ୍ତୁ ଏଭଳି ମଜାଦାର ସମୟରେ ନୂଆ ବର୍ଷକୁ ଫିକା କରିବାକୁ ବର୍ଷା ଅଣ୍ଟା ଭିଡ଼ାଲାଣି | ଯାହା ମନରେ ଏକ ଅଜଣା ଭୟ ସୃଷ୍ଟି କରୁଛି |ହେଲେ ଆଶଙ୍କା କରାଯାଉଛି, ଘୂର୍ଣ୍ଣିବଳୟ ଯଦି ଅବପାତର ରୂପ ନିଏ ତେବେ ଭାରତ ଉପରେ ଏହାର ପ୍ରଭାବ ପ୍ରାୟ ପଡ଼ବନି | କାରଣ ତାହା ଇଣ୍ଡୋନେସିଆ କିମ୍ବା ଶ୍ରୀଲଙ୍କା ଆଡେ ମୁହାଁଇପାରେ | ତେଣୁ ସାଧାରଣ ଲୋକେ ଏବେଠୁ ଛାନିଆ ହେବା ଅନୁଚିତ | ଓଡିଶା ଉପରେ ମଧ୍ୟ ଏହାର ସେତେଟା ପ୍ରଭାବ ପଡିବ ନାହିଁ |
