ରକ୍ତ ଦାନ ହେଉଛି ଏକ ମହତ କାମ। କାରଣ ରକ୍ତ ଦାନ କରି ଜଣେ ଅନ୍ୟ ଜଣଙ୍କର ଜୀବନ ରକ୍ଷା କରିପାରିବେ। ଆପଣଙ୍କର ଗୋଟିଏ ୟୁନିଟ୍ ରକ୍ତ ଆଶା, ଆରୋଗ୍ୟ ଏବଂ କାହାକୁ ଦ୍ୱିତୀୟ ଜୀବନ ଦେଇପାରେ। ଆଉ ରକ୍ତ ଅଭାବ କାରଣରୁ ଚିକିତ୍ସାଧିନ ଅବସ୍ଥାରେ ଅନେକ ଲୋକଙ୍କ ଜୀବନ ଚାଲି ଯାଇଥାଏ। ତେଣୁ ସୁନ୍ଦରଗଡ଼ ଜିଲ୍ଲା ଛଟେନପାଳି DAV ସ୍କୁଲରେ ରକ୍ତ ଦାନ ଶିବିର ଆୟୋଜିତ ହୋଇଥିଲା ।
ଏହି ଶିବିରରେ ମୁଖ୍ୟ ଅତିଥି ଭାବେ ଶ୍ରୀମତୀ ଅର୍ଚ୍ଚନା ଓଝା, ଶ୍ରୀ ରବି ନାରାୟଣ ସେଠୀ, ଶ୍ରୀ ସଞ୍ଜୟ କୁମାରଓ ଶ୍ରୀ ରଞ୍ଜନ କୁମାର ପଟେଲ, ପ୍ରିନ୍ସିପାଲ ଯୋଗଦେଇଥିଲେ। ପିଲାମାନଙ୍କର ମା’ବାପା ଏବଂ ପାଖରେ ଥିବା କଲୋନୀର ଅନେକ ଲୋକମାନେ ଆସି ଉତ୍ସାହର ସହ ରକ୍ତଦାନ କରିଥିଲେ । ଆଉ ସମାଜ ସେବାର ଏହି ମହାନ କାର୍ଯ୍ୟକ୍ରମ ସମସ୍ତଙ୍କ ମଧ୍ୟରେ ଭାରି ପ୍ରଶଂସା ପାଇଥିଲା। ଶେଷରେ DAV ଛଟେନପାଳିର ପ୍ରିନ୍ସିପାଲ ଶ୍ରୀମତୀ ସସ୍ମିତା ତ୍ରିପାଠୀ ସମସ୍ତ ଅତିଥି, ରକ୍ତଦାତା ଓ ସହଯୋଗୀଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମର ସଫଳତା ପାଇଁ କୃତଜ୍ଞତା ପ୍ରକାଶ କରିଥିଲେ।
ତେବେ ଜାଣିଛନ୍ତି ତ ଏକ ୟୁନିଟ ଦାନ ରକ୍ତରୁ ପ୍ରାୟ ତିନିରୁ ଚାରି ଜଣଙ୍କ ଜୀବନ ରକ୍ଷା କରାଯାଇପାରିବ। କିନ୍ତୁ ସାଧାରଣତଃ ରକ୍ତ ଦାନ ମାଧ୍ୟମରେ ଆବଶ୍ୟକତାଠାରୁ କମ ୟୁନିଟ ସଂଗ୍ରହ କରାଯାଏ। ବିଶ୍ୱ ସ୍ବାସ୍ଥ୍ୟ ସଂଗଠନ ଅନୁଯାୟୀ, ଭାରତରେ ପ୍ରତିବର୍ଷ ପ୍ରାୟ ଏକ କୋଟି ୟୁନିଟ ରକ୍ତ ଆବଶ୍ୟକ ହୁଏ। କିନ୍ତୁ ବିଭିନ୍ନ ଶିବିର ତଥା ଅନ୍ୟାନ୍ୟ ଉପାୟରେ କେବଳ ୭୫ ଲକ୍ଷ ୟୁନିଟ ରକ୍ତ ସଂଗ୍ରହ କରାଯାଇଥାଏ। ତେଣୁ ଆପଣମାନେ ବି ନିଜ ସ୍ୱଇଚ୍ଛାରେ ରକ୍ତ ଦାନ କରନ୍ତୁ ।
