ବଲାଙ୍ଗିର ଜିଲ୍ଲା ଖପ୍ରାଖୋଲ ପୋଲିସ ହାତରେ ଧରାପଡ଼ିଛନ୍ତି ତିନି ଜଣ ଧାନ ଚୋର । ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ଅଞ୍ଚଳର ଜଣେ ମିଲରଙ୍କ ଧାନ ଗାଡ଼ି ଟି ଅପରାହ୍ନ ୩ ଟା ସମୟରେ ଖପ୍ରାଖୋଲ ଅଞ୍ଚଳର ଧାନମଣ୍ଡିରୁ ଆଣୁଥିବା ବେଳେ ହରିଶଙ୍କର ଛକ ଠାରେ ଦୁଇଜଣ ଚୋର କିଛି ଧାନ ବସ୍ତା ଚୋରି କରିନେଇଥିବା ବେଳେ ଗତ ୨୯ ତାରିଖ ରାତିରେ ବେଲପଡା ଥାନା ବେଲପଡା ଗାଁ ର ଡ୍ରାଇଭର (୩୨) ଖପ୍ରାଖୋଲ ଥାନାରେ ଅଭିଯୋଗ କରିଥିଲେ । ଅଭିଯୋଗ କ୍ରମେ ଖପ୍ରାଖୋଲ ଥାନା ଅଧିକାରୀ ନରେନ୍ଦ୍ର ଛତର ଖପ୍ରାଖୋଲ ଥାନା କେଶ୍ ନମ୍ବର ୧୮ ରେ ତଦନ୍ତ କରି ଆଜି ଧରିବାରେ ସକ୍ଷମ ହୋଇଛନ୍ତି । ଅଭିଯୁକ୍ତମାନେ ହେଲେ ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଡମନୀମାଲ ଗାଁ ର ପ୍ରକାଶ ବେହେରା , ଚାଉଳବାଞ୍ଜି ଗାଁ ର ଡିଙ୍ଗର ଧରୁଆ, ଏବଂ କୋରାପୁଟ ଜିଲ୍ଲା ଜୟପୁର ଗାଁ ର କାହ୍ନୁ ପ୍ରଧାନ ସେମାନଙ୍କ ନାଁ ରେ ଖପ୍ରାଖୋଲ ଥାନା ରେ ଏକ ମାମଲା ରୁଜୁ କରି ପାଟଣାଗଡ଼ କୋର୍ଟ ଚାଲାଣ କରିଥିବା ଥାନା ଅଧିକାରୀ ନରେନ୍ଦ୍ର ଛତ୍ର ସୂଚନା ଦେଇଛନ୍ତି ।
