ଓଡ଼ିଶା ନ୍ୟୁଜ୍ ନାଓ: ବର୍ଷର କେବଳ ଦିନଟିଏ କାହିଁକି, ମହିଳାଙ୍କ ପାଇଁ ସବୁ ଦିନ ଏକ ଆହ୍ୱାନର ଦିନ । ଗୋଟିଏ ଦିନର ଉତ୍ସବ ଅବସର ଆଣିଦେଇଥାଏ ଯାହା ପରବର୍ତ୍ତୀ ଦିନଗୁଡ଼ିରେ ନିଜ ପାଇଁ ସମାଜ ପାଇଁ ସଂସାର ପାଇଁ କିଛି କରି ଦେଖାଇବାର ଝୁଙ୍କ୍ ସମସ୍ତଙ୍କ ଠାରୁ ଭିନ୍ନ କରିବ । ନାରୀ ଅସହାୟ ନୁହେଁ ସେ ସ୍ୱୟଂ ସମ୍ପୂର୍ଣ୍ଣା ବୋଲି ପ୍ରମାଣିତ କରିବ । ଏହି ଲକ୍ଷ୍ୟ ନେଇ ରାଜଧାନୀ ଭୁବନେଶ୍ୱରର ସେବା ପ୍ରୟାସ ଫାଉଣ୍ଡେସନ୍ର ପ୍ରୟାସରେ ଆସନ୍ତା ୬ ରୁ ୮ ମାର୍ଚ୍ଚ ୨୦୨୬ ପର୍ଯ୍ୟନ୍ତ ଆନ୍ତର୍ଜାତୀୟ ମହିଳା ଦିବସ ଅବସରରେ ଏକ ଭବ୍ୟ “SPF କଳିଙ୍ଗ ବୀରାଙ୍ଗନା କ୍ରିକେଟ୍ ଲିଗ୍ ଫର୍ ଉମେନ୍” ଏବଂ ମହିଳା ଦିବସ ଉତ୍ସବ ୨୦୨୬ ଆୟୋଜନ ହେବାକୁ ଯାଉଛି। ଏହି ତିନି ଦିନିଆ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଉଛି ମହିଳାଙ୍କ ସଶକ୍ତିକରଣ, ସ୍ୱାଭିମାନ ଏବଂ ସ୍ପୋର୍ଟସ୍ ମାଧ୍ୟମରେ ସମାଜରେ ସେମାନଙ୍କ ସ୍ଥାନକୁ ଆହୁରି ସୁଦୃଢ଼ କରିବା।
ଏହି କାର୍ଯ୍ୟକ୍ରମ ଭୁବନେଶ୍ୱର ହାଇ-ଟେକ୍ ମେଡିକାଲ୍ କଲେଜ୍ କ୍ରିକେଟ୍ ଗ୍ରାଉଣ୍ଡରେ ଆୟୋଜିତ ହେବ। ୬ ମାର୍ଚ୍ଚ (ଶୁକ୍ରବାର) ଦିନ ଛାତ୍ରୀମାନଙ୍କ ପାଇଁ ନକ୍-ଆଉଟ୍ ଏବଂ ଫାଇନାଲ୍ ମ୍ୟାଚ୍, ୭ ମାର୍ଚ୍ଚ (ଶନିବାର) ଦିନ ସାମାଜିକ ସଂଗଠନ ଓ ଟିମ୍ମାନଙ୍କ ମଧ୍ୟରେ ନକ୍-ଆଉଟ୍ ମ୍ୟାଚ୍ ଆୟୋଜିତ ହେବ। ୮ ମାର୍ଚ୍ଚ (ରବିବାର) ଦିନ ଗ୍ରାଣ୍ଡ ସେଲିବ୍ରେସନ୍ ଭାବେ SPF ମହିଳା କାର୍ ରାଲି-୨୦୨୬ ଆୟୋଜିତ ହେବ। ଏହି ରାଲି ଆଦିତ୍ୟ ମୋଟର୍ସ – ମହିନ୍ଦ୍ରା, heueଠାରୁ ସକାଳ ୭:୫୦ ରେ ଫ୍ଲାଗ୍ ଅଫ୍ ହୋଇ ଭୁବନେଶ୍ୱର ସହର ମଧ୍ୟରେ ପ୍ରାୟ ୧୦ କି.ମି. ଦୂରତା ଅତିକ୍ରମ କରି ହାଇ-ଟେକ୍ ମେଡିକାଲ୍ କଲେଜ୍ କ୍ରିକେଟ୍ ଗ୍ରାଉଣ୍ଡରେ ସମାପ୍ତ ହେବ।
ସେହି ଦିନ SPF କଳିଙ୍ଗ ବୀରାଙ୍ଗନା କ୍ରିକେଟ୍ ଲିଗ୍ – ଗ୍ରାଣ୍ଡ ଫାଇନାଲ୍, ଓଡ଼ିଶାର ପ୍ରସିଦ୍ଧ ମହିଳା କ୍ରିକେଟ୍ ଖେଳାଳିମାନଙ୍କ ମଧ୍ୟରେ ଫାଇନାଲ୍ ମ୍ୟାଚ୍, ସାଂସ୍କୃତିକ କାର୍ଯ୍ୟକ୍ରମ, ସମ୍ମାନ ସମାରୋହ ଓ ପୁରସ୍କାର ବିତରଣ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବ। ସେବା ପ୍ରୟାସ ଫାଉଣ୍ଡେସନ୍ ପକ୍ଷରୁ କୁହାଯାଇଛି ଯେ, ଏହି ଆୟୋଜନ ମାଧ୍ୟମରେ ମହିଳାମାନଙ୍କୁ କ୍ରୀଡା, ସାମାଜିକ ଓ ସାଂସ୍କୃତିକ କ୍ଷେତ୍ରରେ ଆଗକୁ ଆସିବା ପାଇଁ ପ୍ରେରିତ କରାଯିବ ଏବଂ ସମାଜରେ ନାରୀ ସଶକ୍ତିକରଣର ଏକ ସୁଦୃଢ଼ ସନ୍ଦେଶ ପ୍ରେରଣ କରାଯିବ।
