AIର ପାୱାରହାଉସ୍ ହେବ ଓଡ଼ିଶା ! HCLTech–Sarvam AI ସହ ବଡ଼ ଚୁକ୍ତି

ଓଡ଼ିଶାକୁ କୃତ୍ରିମ ବୁଦ୍ଧିମତା (AI) ଓ ସୂଚନା ପ୍ରଯୁକ୍ତି (IT) କ୍ଷେତ୍ରରେ ଏକ ନୂଆ ପରିଚୟ ଦେବା ଲକ୍ଷ୍ୟରେ ରାଜ୍ୟ ସରକାର ଏକ ବଡ଼ ପଦକ୍ଷେପ ନେଇଛନ୍ତି। HCLTech ଏବଂ Sarvam AI ସହ ମିଶି ଓଡ଼ିଶାରେ AI ଭିତ୍ତିକ ଉନ୍ନତ ପ୍ରଯୁକ୍ତି, ଗବେଷଣା ଓ କୌଶଳ ବିକାଶ ପାଇଁ ଏକ ସହଯୋଗୀ ପଦକ୍ଷେପ ଆରମ୍ଭ ହୋଇଛି।

ଏହି ପଦକ୍ଷେପ ମାଧ୍ୟମରେ ଭୁବନେଶ୍ୱରକୁ AI ଓ ଡିଜିଟାଲ୍ ଇନୋଭେସନ୍‌ର ଏକ ପ୍ରମୁଖ କେନ୍ଦ୍ରରେ ପରିଣତ କରିବା ଉପରେ ଗୁରୁତ୍ୱ ଦିଆଯିବ। ସେଥିପାଇଁ ରାଜ୍ୟରେ AI ଭିତ୍ତିକ ସମାଧାନ, ଷ୍ଟାର୍ଟଅପ୍ ଇକୋସିଷ୍ଟମ୍ ଏବଂ ଉଚ୍ଚ ପ୍ରଯୁକ୍ତି କ୍ଷେତ୍ରରେ ନୂତନ ସୁଯୋଗ ସୃଷ୍ଟି ହେବ।

ସରକାରଙ୍କ ସୂଚନା ଅନୁଯାୟୀ, ଏହି ପ୍ରକଳ୍ପର ଅଂଶ ଭାବେ ଭୁବନେଶ୍ୱରରେ ୬ଟି ଗ୍ଲୋବାଲ୍ ଟେକ୍ନୋଲୋଜି ସେଣ୍ଟର ସ୍ଥାପନ କରାଯିବ। ଏହି କେନ୍ଦ୍ର ଗୁଡ଼ିକରେ AI, Machine Learning, Cloud Computing, Data Analytics ଏବଂ Digital Engineering ଭଳି କ୍ଷେତ୍ରରେ କାର୍ଯ୍ୟ ହେବ।

ସବୁଠାରୁ ବଡ଼ କଥା ହେଉଛି, ଏହି ନିବେଶ ମାଧ୍ୟମରେ ପ୍ରାୟ ୮ ବର୍ଷ ମଧ୍ୟରେ ₹୪୮,୦୦୦ କୋଟିର ନିବେଶ ଆସିବାର ଲକ୍ଷ୍ୟ ରହିଛି। ଏହା ଫଳରେ ହଜାର ହଜାର ଯୁବକ-ଯୁବତୀଙ୍କ ପାଇଁ ଉଚ୍ଚ ବେତନଯୁକ୍ତ ଚାକିରି ସୃଷ୍ଟି ହେବା ସହ ରାଜ୍ୟର IT ଓ AI ଶିଳ୍ପକୁ ନୂଆ ଦିଗ ମିଳିବ।

ଏହି ପଦକ୍ଷେପ ମାଧ୍ୟମରେ ଓଡ଼ିଶା ଦେଶର ଅଗ୍ରଣୀ AI ଓ IT ହବ୍‌ମାନଙ୍କ ମଧ୍ୟରେ ସ୍ଥାନ ପାଇବ ବୋଲି ଆଶା କରାଯାଉଛି। ସେଥିସହ ଛାତ୍ରଛାତ୍ରୀ, ଷ୍ଟାର୍ଟଅପ୍ ଓ ଟେକ୍ନୋଲୋଜି ପେଶାଦାରଙ୍କ ପାଇଁ ମଧ୍ୟ ନୂତନ ସମ୍ଭାବନାର ଦ୍ୱାର ଖୋଲିବ।