‘ହସ୍ପିଟାଲ, ସର୍ଜରୀ, ICU…’ ଅମିତାଭଙ୍କ ପୋଷ୍ଟ ହେଲା ଭାଇରାଲ୍

ବଲିଉଡ୍‌ର ମହାନାୟକ ଅମିତାଭ ବଚ୍ଚନ ନିଜ ଅଭିନୟ ସହିତ ଲେଖାଲେଖି ପାଇଁ ମଧ୍ୟ ପ୍ରଶଂସିତ। ସେ ନିୟମିତ ଭାବେ ନିଜ ବ୍ଲଗ୍‌ ମାଧ୍ୟମରେ ପ୍ରଶଂସକଙ୍କ ସହ ନିଜ ଜୀବନର ବିଭିନ୍ନ ଅନୁଭୂତି ଓ ଘଟଣା ସେୟାର କରିଥାନ୍ତି। ଏବେ ସେ ନିଜର ସଦ୍ୟତମ ବ୍ଲଗ୍‌ରେ ସ୍ୱାସ୍ଥ୍ୟ ଅବସ୍ଥାକୁ ନେଇ ଏକ ଭାବପ୍ରବଣ ପୋଷ୍ଟ କରିଛନ୍ତି, ଯେଉଁଥିରେ ସେ ସର୍ଜରୀ ହୋଇଥିବା ଏବଂ ICUରେ ରହିଥିବାର ସଙ୍କେତ ଦେଇଛନ୍ତି।

ସ୍ୱାସ୍ଥ୍ୟକୁ ନେଇ କଣ ଲେଖିଲେ ବିଗ୍ ବି?

ନିଜ ବ୍ଲଗ୍‌ରେ ଅମିତାଭ ବଚ୍ଚନ ଲେଖିଛନ୍ତି, “ହସ୍ପିଟାଲରେ ସର୍ଜରୀ ହେଲା, ICUରେ ଦକ୍ଷ ଡାକ୍ତର ଓ ମେଡିକାଲ୍ କର୍ମଚାରୀଙ୍କ ତତ୍ତ୍ୱାବଧାନରେ ଥିଲି। ଏବେ ହସ୍ପିଟାଲରୁ ଡିସଚାର୍ଜ ହୋଇ ଘରକୁ ଫେରିଛି।”

ସେ ଆହୁରି ଲେଖିଛନ୍ତି ଯେ, ହସ୍ପିଟାଲରୁ ଘରକୁ ଫେରିବା ପରର ସମୟ ହିଁ ସବୁଠାରୁ କଠିନ ପର୍ଯ୍ୟାୟ। ଶାରୀରିକ, ମାନସିକ ଓ ବ୍ୟବହାରିକ ଦୃଷ୍ଟିରୁ ଏହି ସମୟ ଅତ୍ୟନ୍ତ ଚ୍ୟାଲେଞ୍ଜିଂ ବୋଲି ସେ କହିଛନ୍ତି।

‘ଜୀବନରେ ପରାଜୟକୁ ସାମ୍ନା କରିବାକୁ ପଡ଼େ’

ବିଗ୍ ବି ନିଜ ବ୍ଲଗ୍‌ରେ ଲେଖିଛନ୍ତି, “ଆପଣ ଦିନେ ଜଣେ ବିଜେତା ହୋଇଥାନ୍ତି, କିନ୍ତୁ ଏକ ସମୟ ଆସେ ଯେତେବେଳେ ପରାଜୟ ଆପଣଙ୍କ ସାମ୍ନାରେ ଠିଆ ହୁଏ। ଏହା ହେଉଛି ଜୀବନର ସବୁଠାରୁ କଠିନ ସମୟ।”

ସେ ଆହୁରି ଲେଖିଛନ୍ତି, “କେହି ଏହି ପରିସ୍ଥିତିକୁ ସାହସର ସହ ସାମ୍ନା କରନ୍ତି, ଆଉ କେହି ଏହାକୁ ଗ୍ରହଣ କରି ଅତୀତର ଗୌରବ ସହ ଜୀବନ ବିତାନ୍ତି। ଦୁଇଟି ନିଷ୍ପତ୍ତି ହିଁ ବ୍ୟକ୍ତିଗତ, ଏଥିରେ କିଛି ଭୁଲ୍ ନାହିଁ। ସମସ୍ତେ ସୁସ୍ଥ ରୁହନ୍ତୁ, ଖୁସିରେ ରୁହନ୍ତୁ।”

ବିଗ ବି ଙ୍କ କର୍ମକ୍ଷେତ୍ର

ଯଦି ବିଗ ବିଙ୍କ କାର୍ଯ୍ୟକ୍ଷେତ୍ର ତଥା କର୍ମକ୍ଷେତ୍ର କଥା କହିବା, ଅମିତାଭ ବଚ୍ଚନ ଆଗାମୀ ଦିନରେ ନାଗ ଅଶ୍ୱିନଙ୍କ ନିର୍ଦ୍ଦେଶିତ ‘କଲ୍କି 2898 AD’**ର ସିକ୍ୱେଲ୍‌ରେ ନଜର ଆସିବେ। ଏହାଛଡ଼ା ସେ ‘ବ୍ରହ୍ମାସ୍ତ୍ର: ପାର୍ଟ-2’ରେ ମଧ୍ୟ ନଜର ଆସିବେ।