ରାୟଗଡ଼ ସହର ସ୍ଥିତ ପିଏମ୍ ଶ୍ରୀ ବାଳିକା ଉଚ୍ଚ ବିଦ୍ୟାଳୟରେ ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ନବୀନ ଚନ୍ଦ୍ର ନାୟକ, ଜିଲ୍ଲା ପରିଷଦ ଅଧ୍ୟକ୍ଷା ସୁଶ୍ରୀ ସରସ୍ଵତୀ ମାଝୀ, ମୁଖ୍ୟ ବକ୍ତା ଭାବେ ଅତିରିକ୍ତ ଶିକ୍ଷାଧିକାରି ଶ୍ରୀ ଭଜନ ଲାଲ୍ ମାଝି, ସମ୍ମାନିତ ଅତିଥି ଭାବେ ପିଏମ୍ ଶ୍ରୀ GCD high school ର ପ୍ରଧାନ ଶିକ୍ଷୟତ୍ରୀ ସୁଶ୍ରୀ ନମିତା ପଧାନ,ବାଳିକା ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷୟତ୍ରୀ ଶ୍ରୀମତି ସୁନିତା ଭୋଇ, ବିଦ୍ୟାଳୟ ପରିଚାଳନା ସଭାପତି ଶ୍ରୀ ରାଧାକାନ୍ତ ପାଢ଼ୀ, ପଞ୍ଚସଖା ଶିକ୍ଷା ସେତୁ ସଭାପତି ଶ୍ରୀମତୀ ସ୍ନେହପୂର୍ଣା ମହାନ୍ତି ମଞ୍ଚାସିନ ଥିଲେ। ପ୍ରଧାନ ଶିକ୍ଷୟତ୍ରୀ ଶ୍ରୀମତି ଭୋଇ ବାର୍ଷିକ ବିବରଣୀ ପାଠ କରିଥିଲେ। ବିଭିନ୍ନ କାର୍ଯ୍ୟକ୍ରମରେ ବିଦ୍ୟାଳୟର କୃତିତ୍ୱ ଛାତ୍ରୀ ମାନଙ୍କୁ ପ୍ରାୟ 150ଗୋଟି ପୁରସ୍କାର ସହିତ ମାନପତ୍ର ପ୍ରଦାନ କରାଯାଇଥିଲା।
ସମାଜସେବା, କଳା,ସଂସ୍କୃତି ଓ ଲୋକାଭିମୁଖୀ କାର୍ଯ୍ୟରେ କାର୍ଯ୍ୟରତ ଥିବା ବ୍ୟକ୍ତି ବିଶେଷ ସାମ୍ବାଦିକ ଗୋପିନାଥ ଗୌଡ଼ଙ୍କୁ, ଇ. ଗୌରୀ ସଙ୍କର ରାଓ ଏବଂ ରାୟଗଡ଼ ସଂସ୍କୃତି କଳା ପରିଷଦର ଉପ- ସଭାପତି ସନ୍ତୋଷ କୁମାର ବଚ୍ଛାଙ୍କୁ ମଞ୍ଚ ଉପରେ ମୁଖ୍ୟ ଅତିଥିଙ୍କ ଦ୍ଵାରା ସମ୍ମାନିତ କରଯାଇଥିଲା। ମୁଖ୍ୟ ଅତିଥି ମାନେ ବିଦ୍ୟାଳୟର ଛାତ୍ରୀ ମାନଙ୍କୁ କଠିନ ପରିଶ୍ରମ,ସମୟର ସଦୁପଯୋଗ ଏବଂ ଶିକ୍ଷକ ଶିକ୍ଷୟତ୍ରୀ ଏବଂ ବାପା ମା ଙ୍କ କଥାମାନି ମନଧ୍ୟାନ ଦେଇ ପାଠ ପଢିବା ପାଇଁ ଉପଦେଶ ଦେଇଥିଲେ। ଏବଂ ଜୀବନରେ ସମାଜ ପାଇଁ କିଛି କରିବା ସହ ନିଜ ପରିବାର ଓ ଅଞ୍ଚଳର ନାମ ରଖିବା ପାଇଁ ଗୁରୁମନ୍ତ୍ର ଦେଇଥିଲେ। ସଂପୂର୍ଣ୍ଣ କାର୍ଯକ୍ରମକୁ ସୂଚାରୁ ରୁପେ ସସ୍ମିତା ମିଶ୍ର ପରିଚାଳନା କରିଥିଲେ।
